News about ongoing Synod

 

Ebiro 16.10.2017, Ishabariisa w’Eitware ryaitu rya Mbarara, Paulo. K. Bakyenga, akarangirira omu butongore oruteerane rukuru rwakabiri (sinodi) rw’Eitware ryaitu.Yaagaruka yaakishongyera aha Sande y’ebiro 22.10.2017. Kandi hoo- na akagaruka yaashohoza amaziina g’abanyakakiiko abaraagitebeekanise. Mbwenu naakunda kumwetegyer- ereza ebi: Okwongyera Kubamurikira Eby’entebeekanisa Ya Sinodi egi Entebeekanisa ziriyo nizigyenda omu maisho ahabwa Sinodi y’Eitware rya Mbarara ey’omurundi gwa kabiri, ekibaire kitwaire emyaka erikurenga omuri makumi ashatu. Ish’Abariisa Paulo Kamuza Bakyenga niwe nyakweta orukiiko oru kwenda kutaho engyenderwaho y’Eitware omu by’oburiisa, n’okwenda kuteeka- teekyera Eitware rya Mbarara omu buheereza bwaryo omu biro by’omu maisho, kandi n’okutaho ebiragiro by’okugyenderaho kubaasa kuhika ahari ekyo.

Omurimo ogu haihi niguza kutwara omwaka, kandi n’enshonga nkuru munonga omu Kereziya y’Eitware rya Mbarara. Kandi eki tikirikukoma aha kushu- tamisa enkiiko kwonka. ORUKIIKO RWA SINODI NIRUGYENDERERA KI? Orukiiko rw’Eitware orwa Sinodi n’oruteerane rw’omutaano orurikuba rwine ekigyendererwa ky’okuhabura Omuriisa mukuru w’Eitware we nka mukuru waaryo, namunonga Omuriisa we wenka yaareebeka naayetenga obuhabuzi obwe omu nshonga ezirikuba zirikwetaaga kushorongibwa omu Itware ryona. Omu ngyendo zangye okwetoo- roora Eitware ryona ameezi makye agahingwire, ku nagyerizeho kubuuza abakiristo batari bamwe enshonga ezirikubateganisa, enAGA SINODI Y'EITWARE RYA MBARARA “Mube baakareebi bangye” Ebyakozirwe Entumwa 1:8 “Mube baakareebi bangye” Ebyakozirwe Entumwa 1:8 Volume 2, Issue No.1 March 2018 kuru ibiri omuri ezo ezibaampaire ni: “Nihaza kubaho ki omu by’emigyenzo y’okuramya omu kereziya?”. “Kandi nitubaasa kukora ki kureeba ngu eminyeeto yaitu yaaguma omu kereziya?” Ezi zombi n’enshonga ezisaasize munonga kandi hoona eziri zimwe omuri ezo eziraije kuhanuurwaho omu ntebeekanisa za Sinodi hamwe n’omu ruteerane rwonyini. Eby’okugyenderaho omu kutebeekanisa orukiiko rwa Sinodi byona nibyegamira ekiragiro ky’Eitware erikuru erya Rooma eky’omwaka 1997.

Okurugiirira aha kiragiro ekyo, niharagirwa kubaho akakiiko kakuru (Preparatory Commission) aku omwoga gwako guri okuteekateekyera oruteerane rukuru orwo orwa Sinodi, kandi omurimo ogwo karikugukorera ahansi y’obwebembezi bw’Omuriisa w’Eitware. Akakiiko akakuru ako akarimu aba- saseridooti, abanyadiini, abeebem- bezi bakuru ah’Eitware, hamwe n’abakiristo ba buriijo nk’oku kaatoorainwe Omuriisa w’Eitware omu baruha ye y’okukatongoza ey’ebiro 16/10/2017, obwa hati kaaherize kujwarana n’omurimo ogwakakwatsiibwe n’okushutama emirundi mingi. Omurimo gw’okwehanuuza aha bakiristo n’ogw’okuba gwatandikira aha Paarishi z’omu Itware kyabaasika aha kutandika kw’okwezi kwa kana, gugumizemu guhikye n’aha rurengo rwa Dinare. Omu kwehanuuza oku, za guruupu zitari zimwe nazo niziija kuhikwaho aha bwire oburaateebweho, n’okushabwa kuheerezayo ebiteekateeko byazo. ORUKIIKO ORU RURIMU BAAHI? Omubaro gw’abakiiki abariija omu ruteerane rwa Sinodi gwine ekikomo kyagwe, ahabw’okuba abakiiki boona baraija kuba nibashabwa kuheerezayo ebiteekateeko byabo omu ruteerane orwe. Abakiristo b’Eitware rya Mbarara boona nibaija kuba nibeeterwa okwejumbira omu kuhayo ebiteekateeko byabo, namunonga kurabira omu mpanuura eziriba aha rurengo rwa za Paarishi zaabo omu magingo ag’okutebeekanisa orukiiko rwa Sinodi. Omuriisa w’Eitware akwataniise n’akakiiko ka Sinodi akakuru, naija kutaho Agenda y’oruteerane orwe n’okucwamu omubaro gw’enshutama (sessions) za Sinodi. Obwa hati itwe nituteekateekyera aha kugira oruteerane oruraaheze wiiki emwe Oburemeezi obu Ekereziya eyorekyereire.

Nikyetegyerezibwa ku ekereziya omu Itware rya Mbarara eriyo neebugabugana oburemeezi butari bumwe oburimu nk’obu: a) Akabugutano akaareetsirweho ekirikumanywa nka “Ekigombe ky’okugaruraho Ebiragiro bya Ruhanga 10”,ekyarugiriirwemu okuhwerekyerera omu muriro kw’abakiristo nyamwingi ahari Kanungu 17/03/2000. Akagwe ka Kanungu ni kamwe omu bumanyiso oburikworeka ngu Ekereziya neeyetaaga kugira eki yaakoraho. Ni nshonga ki enkuru ezaarugiriirweho akagwe aka? N’enki ekyakukorwa kureeba ngu tihagaruka kubaho nk’ekyo ekyabaireho!. Hati Ekereziya eyeeteekatekire eta okuruga omu magingo g’obwebeembezi bw’abajungu tukabaasa kwereeberera twenka! b) Okurabira omu mpapura z’amakuru na za radio n’okumanyisana okuriho eriigyenda okurikugyenda nk’omuyaga gw’ekyanda, ensi ehindukire ekyaro kimwe. Obwe bwona ebya sayansi n’obumanyi bwa tekinorogye byo nibigumizamu kureetaho obutatebeekana omu minyeeto, n’omu ntuura y’amaka obwe birikureetaho ebintu ebyabaire bitakahurirwahoga omu myaka nka ikumi enyima. Ekereziya neeragirwa kusherura emihanda n’obwengye oku yaakubaasa kukorera omu mbeera nk’egyo, kandi n’oku yaakubaasa kukoresa emihanda mitsya kujanjaaza Amakuru Marungi omu bantu boona. c) Eby’obutegyeki nabyo tibibuzire kureetaho oburemeezi omu murimo gw’ekereziya ogw’okwegyesa ediini, kutari kugira ngu n’abasaseridooti bonka abarikukwatwaho baitu n’abakiristo ba buriijo, bo abari omubaro muhango omu kereziya. Ekirikwenda kushushana n’ebyo ebyagambwaho, hariho n’oburemeezi bw’eibura-mirimo hamwe n’obworo, n’okweyongyera kw’oburyane bw’omu maka omu bantu baitu.

Ekereziya eyeteekateekire kutwaza eta enshonga ezo omu bwire oburikwija? d) Nk’Ekereziya twine n’okugamba aha mpungi, kutari kuteekateeka aha kuhayo obuyambi ahari abo bantu b’abeeshobere kwonka, baitu n’aha kuteekateeka ahaby’emitima yaabo n’akakwate kaabo na Ruhanga. Nk’ekereziya nituragirwa kureeba ngu twagira eki twakoraho. Omuri byona, ekereziya eyeteekateekire eta omuri eki kyasha kya 21 okugarukamu ekibuuzo kya Kristo “Ebyo Omwana w’Omuntu ku ariza kwija, aryashanga hakiriho okwikiriza omu nsi?”Eki nikireetaho okwebuuza, omu kubugabugana eby’eiremeezi ebi ebiriho, ekereziya neija kukora ki kureeba ngu yaagumizamu n’omurimo gwayo mukuru ogw’okurangirira amakuru marungi omu kwenda kurokora emitima. Ahagati y’ebyo byona nitugumizamu tuta kujurira Kristo?Ebintu bikuru ebiraije kuhanuurwaho omu ruteerane rwa Sinodi birimu Obutumwa bw’Ekereziya obw’okurangirira Amakuru Marungi, Eby’enshoma n’okuramya, Eby’obwegyese, Eby’entunguuka n’entuurana y’abantu n’obwebembezi, eby’Eka n’obushwere, hamwe n’eby’Amarwariro n’okureeberera amagara, hamwe n’ebindi bimwe ebikwatiraine n’okuteekateekyera eby’oburiisa, kireetere oku

Trying to get in touch with the archdiocese?
(+256)-485-21249

Nyamitanga, Mbarara.

info@archdioceseofmbarara.org.ug

Newsletter

Get latest news & update